Ero nu guaglione
quanno vedette patemo ‘e partì.
Dicette ca nel Meridione
tanta fratelli vulevano venì.
Ma nuje nun putevamo cchiù ascì,
mammà me nzerraje ‘ncasa,
‘e scole chiudetteno, gnorsì,
e nun trasevano turnese.
Appaurato, passavano jurnate,
mammà chiagneva e s’ammalava.
Je m’addumannavo quale pate
lassava ‘na famiglia e nun turnava.
Sapette na dummeneca mmiez’ ‘o paese
ca ll’uommene se ne jettero tutte quante:
i “fratelli” erano cannune piemontese,
papà addeventaje nu Brigante!
Jammo mammà, papà sta ‘ncoppa ‘e muntagne,
sarrà muorto ‘e famme, s’è annascunnuto,
appripara pane, patane e pupagne…
lassame purtà forse ll’urdemo saluto.
Figlio mio addò vai, da li gguardie t’hè a fa castigà!
Mammà so’ gruosso nun me faccio piglià,
Je tengo tridece anne…
e voglio fa ‘o Brigante comme a papà!
(Manfredi Adamo)